好多廣告，好多人話好好，好舒服，做左幾間。
第一次做，美團比錢，大眾點評好高評價，$298人民幣一次，然後好多附加費，轉隻好少少洗頭水，就話要+$120人民幣一次，果幾下洗頭水竟然賣咁貴，但你唔轉又唔得，因為大陸洗頭水質素真係好差。
最後加加埋埋$700人民幣埋單，說穿了就只係頭部按摩+洗頭，冇乜實用價值。
而上去一次福田，單程$75， 來回是$150車錢。仲未計交通時間成本，香港人平均月入$18000, 每小時講緊係$100， 呢度已經最少$250
係舒服既，但貴，真係唔係好值，問店家，佢哋都話自己9成客是香港人，原來香港都幾多水魚。
第二次去第二間，我搵D強調功效既，改善脫髮之類，$398人民幣，今次冇其他附加費。但有其他精華揀，有些不知名牌子的大陸精華要加$1600人民幣。
深圳福田頭療
香港都大把頭皮護理/育髮，都係深層清潔、除菌、精華導入。
而大陸既，佢把O3除菌梳，冇得調度數，得一個好大既度數，電流太大，做到我好痛。
深圳福田頭療
療程之後，便是開始sell, sell我買package同好貴既洗頭水，我冇買。
我夜晚7點做完，返到香港11點半，就已經feel到頭痕，同有頭皮。我之前在香港做育髮，慳埋車錢時間，計落價錢差唔多，而且做完後兩日唔洗頭都冇頭皮。可見深圳福田性價遠比不及香港。
深圳已經人工、租金平香港好多，但佢地為左賺到盡，用料唔靚。
冇第三次了，是智商稅，我寧願在香港做，免得舟車勞頓。
