打疫苗有效降低重症，才能放寬與病毒共存

MaKaFun

美國最新的疫情統計數據

觀察一
係delta流行期間，係無打針嘅群體中，每星期每十萬人中有460人感染COVID，相對於有打針嘅群體中，每星期每十萬人中只有91人感染COVID。無打針嘅感染率係有打針嘅5倍。

觀察二
係Omicron開始流行期間，係無打針嘅群體中，每星期每十萬人中有726人感染COVID，相對於有打針嘅群體中，每星期每十萬人中只231人感染COVID。無打針嘅感染率係有打針嘅3倍。

觀察三
係delta流行期間，係無打針嘅群體中，每星期每十萬人中有11人嘅死因與COVID有關，相對於有打針嘅群體中，每星期每十萬人中只有0.7人嘅死因與COVID有關。

觀察四
係Omicron開始流行期間，係無打針嘅群體中，每星期每十萬人中有9.7人因COVID或其他相關原因死亡（只係稍為低於delta)，相對於有打針嘅群體中，每星期每十萬人中只有0.5人因COVID或其他相關原因死亡。

打針係可以降低感染同死亡率。

另外，係完全唔考慮這統計中嘅人口與香港人口係年齡同性別比例上嘅分別，假設香港現在實施與病毒共存嘅方針，係現時八成接種率並假設所有學童全部打針嘅情況下，香港每星期可能會有大約160人死於與COVID有關嘅疾病。

如果有九成接種率，香港每星期可能會有大約95人死於與COVID有關嘅疾病。而如果有九成九接種率，香港每星期可能會有大約40人死於與COVID有關嘅疾病。

以上死亡人數嘅推測有好高不確定性嘅地方，只係一個好粗疏嘅推測。因為美國與香港係防疫措施、市民根隨防疫措施嘅比率、醫院系統等都不一樣。香港嘅感染同死亡人數有不少機會會低於上述嘅推測。

大家可以衡量下現在是否實行與病毒共存嘅時間，還是要再提升接種率才考慮。呢一個唔係醫學決定，而係社會每個人嘅取捨，與醫學無關。

Poly

你上面既數據, 冇打針每10人有726人感染omicron, 當中9.7人死亡。
現在香港已經超過2000人感染omicron, 1個死亡也沒有，1個重症也沒有，看來香港人基因異於美國，特別強壯。
即使2000個有1個死，都係好少數目。
香港人口老化，居住空間不足，死緊D老弱對香港百利而無一害。