從Miss pun走佬事件，看出連登人很喜歡批鬥

[Poly]

冇話Miss Pun一定岩，佢俾人指篤灰，連累手足。即使個手足對於當時miss pun既捐款點樣交代得唔清晰，點樣搞到誤會發生; Miss Pun彌補同為當時既事道歉，Miss Pun都難辭其咎。

但連登有一樣野唔好，幼稚既人、憤青為數不少，他們憎人富貴厭人貧，喜歡內鬥，就像當年熱血公民，後期的黃毓民，都不斷搞內鬥，分裂。雖然飯民做得好差，但咁樣對事情也沒有幫助，而是更差的效果，令議席經常被建制派搶走。所以戴耀廷才搞初選，這才是實際的做法。當然戴耀廷也被批鬥不少，坐埋監都笑著對大眾。

連登既人，唔係冇有錢人，但乜野人佔大多數，大家都心知肚明。政府不合理地DQ民選議員，逼交還薪金，一直拖欠辦事處開支。大家唔出力指責，
反而出力鬧一個一直為社區服務，盡心盡力既區議員劉家衡。話佢眾籌完夾希司徒，但事實上人地個所謂眾籌只係講左1日，連登既人有幾多個會真係比錢都心裡有數，連保釋金都未夠比，咁就被千夫所指。澄清、解釋全部唔聽唔睇，不斷搵位挑骨頭入一個一直服務社區既議員，睇見到心寒，唔講我以為自己生活在中國，做好人會有報應會被批鬥。 守唔住信念既人就會咁諗，反正都被批鬥和指罵，何不對自己好一點貪盡d? 這是惡性循環，導致鬼國大量貪官。

Miss Pun性格火爆，但佢曾經捐唔少錢資助手足，有幾多個人做得到？ 但本著憎人富貴厭人貧既心態，見佢好像搵到唔少錢，捐幾多錢都無視，一於批鬥。見佢多男fans, 保守D既女人就話佢唔檢點，睇唔起人。
除左憎恨外，唔可以嘗試換欣賞既角度，或尋找值得學習既地方，就是今天很多憤青原地踏步，難以在本來已經狹窄既空間向上流既其中原因。

[shadow]

連登人係咁，之前black ruby都比人瘋狂批鬥，潛水左幾個月。結果人地去到動漫展一樣好受歡迎，大把fans。