果酸換膚diy，出左事有冇人救到我？
-
我本身油脂分秘旺盛，塊臉同背隻都容易毛孔閉塞。除左曝瘡唔好睇，夏天仲好癢，什至抓損流血，搞到d白色t-shirt後面一達達野。
買過噴霧，一d用都冇。於是上網查，見到果酸換膚係最有效解決問題。本來想去做ips vip club既陶瓷肌，但要成3500一次，仲要做幾次先得。之後上網見到有人話自己買產品自己做。
我先搵背隻試，買左隻aha 15%, 整左一星期都冇用，於是決定加多濃度，買左支aha 30%, 明明已經跟住上面說明同教學，結果個背隻好似比野燒傷咁，一達一達仲衰過之前，仲勁痛，過左兩星期一d好轉都冇。
好采只係背隻，唔係塊臉。唔知大家有冇類似經歷，我而家個情況可以點搞？ -
呢D要控制時間嘅療程最好出返去美容院做啊! 因為美容師會根據你唔同部位落唔同嘅份量同時間
所以呢D真係唔好貪平自己買黎整! 我出去美容院做左兩次就停業左，好想佢地快D開返...
我已經好返6成~少左好多粒粒，你呢D已經係嚴重灼傷~快D去睇醫生唔好再自己亂搽啦! -
哇好得人驚啊! 果酸呢啲野唔好自己亂咁做喇，好易出事架，因為個啲分量同時間都要配合得岩岩好先work ga!
你而家呢個情況唔好再亂查野喇，去睇醫生啦 -
有d人皮膚薄、有d人皮膚厚、有d人皮膚有敏感。你仲要睇唔到你背脊，你點解會覺得果酸可以自己做?
-
睇左醫生，洗左幾千蚊。起碼要一個月先可以復原
我之前做15%一D事都冇，只係加到30%就搞成咁
我明明睇左說明書，又跟足網上教學，都瀨野
搞到我以後唔敢做果酸
