之前在Tinder識左個男仔，琴日去居酒屋同個男仔食飯，我真係覺得佢勁樣衰囉。
咁因為去居酒屋呢件事係佢約嘅，咁我都預到大家應該會食啲開心嘢啦，同埋個價錢都唔會平。
咁嗰日我哋入到居酒屋，坐低咗人哋俾個餐牌我哋，佢就問我想食啲咩。咁我扮晒嘢咁樣俾佢揀先，跟住佢揀咗成10分鐘都落唔到手。然後我內心就feel到佢應該係唔夠錢（因為我哋去嗰間居酒屋都唔平）費事拆穿佢我就由佢繼續揀啦
揀咗10鳩幾分鐘佢同我講淨係想食個冷烏冬⋯我問佢「淨係叫一個？」佢話係呀佢唔肚餓⋯
我即刻打咗個凸⋯ O晒嘴⋯心諗CLS㗎約我去居酒屋淨係食一個稻庭冷烏冬？跟住之後我已經費時理佢，我直接嗌晒我自己想食嘅嘢，雞泡魚乾、壽喜燒、沙律。
跟住啲嘢食嚟到，見到佢閃閃發光嘅眼訓神，我明知佢好想食，不過一啖都冇分比佢⋯
我自己一個食晒成枱嘅嘢，買單嗰陣仲幫佢俾埋個冷烏冬嘅錢！
呢D男仔真係奇奇怪怪...
Tinder既男仔，不了
hello toby個評分，真係唔可以信，太多打手做假。
我之前去左佐敦一間評分好高既美容院，又話唔sell, 結果hard sell左我兩個鐘。
我明白冇可能完全唔sell, 但你講超過一個鐘，就一定係hard sell.
食外賣驚現動物屍體！疫情下港人叫外賣次數大增，日前有網民在社交媒體踢爆，位於青衣長發商場的連鎖式經營的意式餐廳薩莉亞（Saizeriya）分店，有顧客投訴外賣意粉內疑有老鼠頭。食環署今（13日）向東網證實，該食物樣本送往防治蟲鼠事務諮詢組檢驗後，結果顯示該食物樣本發現的異物屬於鼠科類的部分頭部。食環署指，會繼續跟進有關個案，如有足夠證據證明該食肆違反相關衞生條例，會考慮向有關人士採取檢控行動。
有青衣網民日前在社交專頁上指，當時正準備堂食，目擊一名男子拿着外賣氣沖沖跑進，大叫外賣意粉內有老鼠頭，揚言「如果睇完仲食得落就食啦！」家庭醫生林永和指，如老鼠呈煮熟的狀態，大部分的細菌經高溫煮熟已消失，若人體進食受動物屍體污染的食物，嚴重可導致腸胃不適。
大鼠戊肝經人傳人感染機會微，但亦會經由帶病毒老鼠爬過的食物感染，所以置放食物時亦需加倍小心，若有懷疑應將食物再清洗。同時，現時不少罐裝或包裝飲品亦會擺放在地上，如帶病毒老鼠爬過或咬過，甚或遺便溺在罐面，市民不清洗就開罐飲用，亦會有受感染的危機，而目前沒有針對戊肝病情的藥物。
睇左醫生，洗左幾千蚊。起碼要一個月先可以復原
我之前做15%一D事都冇，只係加到30%就搞成咁
我明明睇左說明書，又跟足網上教學，都瀨野
搞到我以後唔敢做果酸
我本身油脂分秘旺盛，塊臉同背隻都容易毛孔閉塞。除左曝瘡唔好睇，夏天仲好癢，什至抓損流血，搞到d白色t-shirt後面一達達野。
買過噴霧，一d用都冇。
於是上網查，見到果酸換膚係最有效解決問題。本來想去做ips vip club既陶瓷肌，但要成3500一次，仲要做幾次先得。之後上網見到有人話自己買產品自己做。
我先搵背隻試，買左隻aha 15%, 整左一星期都冇用，於是決定加多濃度，買左支aha 30%, 明明已經跟住上面說明同教學，結果個背隻好似比野燒傷咁，一達一達仲衰過之前，仲勁痛，過左兩星期一d好轉都冇。
好采只係背隻，唔係塊臉。唔知大家有冇類似經歷，我而家個情況可以點搞？