我以後都唔敢再有SP
-
估唔到自己都有投稿既一日
絲 19歲 對方細我1年
我地係ig識
岩開始個時為左盡快放底ex
就日日搵佢傾計..傾左3-4個月先約出黎
點知我ex返黎搵我
但佢做野勁忙 一齊返都三個月都無見面
所以當初我就撩佢做SP先
本身都只系寂寞想有人陪下
同埋覺得5年既年齡差距唔會沉船
始終都有佢幼稚行為既一面
點知相處中 佢比我想像中更成熟
佢屋企既野令佢諗野成熟同埋好努力工作
而且每日放工又要做好多家務
睇到好心痛好想保護呢個男仔🥲
但最後傷到佢既人原來系我我估唔到一個月前我發現我有左bb
我同佢講我自己會處理
一開始佢都有問洗唔洗陪我
但我知道我大家身分問題
加上佢份工唔方便出入家計會
所以我就同佢講 唔洗啦
但其實我期望系就算個人唔陪
心靈上陪伴都好
但系我做手術前幾日
佢同我講…佢呢排識左個女仔
大家開頭講過如果有岩發展既人會同對方講
佢的確無做錯…
但我覺得個時間點好錯…
所以我發左佢脾氣
我忍受住懷孕初期好攰
係甘嘔 一食野就嘔
同埋內疚既心情
但竟然呢段時間佢仲有心情識女仔
我覺得成件事好似自己一個面對咁
佢就事不關己 若無其事溝女
同時見自己咁嬲 我都唔知系沉船定佔有慾
正係好想同佢坦白 唔系拎同情分
只系我要求佢可唔可以唔好離開呢段時間
佢都解釋同個女仔未去到一齊個步
只系未見過既網友
咁我都盡快控制返情緒去做手術我都同個fd講左件事 話自己沉左船
佢知我背住男朋友沉左另一個人
佢都叫我快d離開
仲要脅我如果唔同呢個男仔斷
就話比我男朋友知
我好驚唔知應該點做 最後佢仲教我講大話
話我做唔到狠心角色
就由人地做 叫我呃個男仔有小朋友
點知我講完 個男仔竟然仲話唔介意
仲可以接受到 仲話可以見下我個小朋友
我覺得成件事好痴線
但我知道只系因為SP佢會接受到
如果情侶佢唔會接受…所以我好後悔講左呢個大話
但講左既大話收唔返 唯有繼續呃落去
越呃佢就覺得佢越好
例如佢會話想黎我屋企同小朋友玩
幫手做家務個d…點解會有甘好既人
反而令我更加鐘意佢做完手術幾日之後我又去左搵佢
難得佢放假 所以明知做完手術要休養
我都照比佢…完左之後傾計既情況知道佢約左個女仔第二日去離島
我真系好嬲好崩潰
乜都無講扮無野咁離開同block左佢ig
到個晚佢whatsapp問我發生咩事要block佢
咁系飲左好多酒既情況下
我就同佢坦白覺得自己沉左船
但同時覺得佢無專重過我
就算我一個人話去面對一切
都唔代表佢可以若無其事咁去識女仔
點知佢知我沉船之後更加決斷
好堅決話大家唔好再見要冷靜一排
但我真系唔想 我同佢講我唔想無左段關係
自己系分得好清 只系覺得佢溝女既timing錯左
我一直諗唔明好痛苦
本身我唔敢同朋友提呢件事
但真系好想知到底系咪我要求太多
咁我就問下身邊既人我應該點做
同埋應唔應該講返真相
我朋友見我咁沉咁鐘意
就話幫我講返件事來龍去脈比個男仔知
但佢想講個日 正正係個男仔約人去離島個日
我就同佢講 唔好搵佢啦
佢依家約左個女仔去離島玩
我朋友知道左就勁嬲
覺得佢好唔專重我
幫我教訓左佢 同埋搵左佢d朋友講件事
本身想阻止佢搵佢 變左更加激動
我唔知件事點解會搞成咁🫠佢因為咁更加憎我 好似所有野入埋我數
話好驚我 以後唔好聯絡個d
我好想修補段關係
所以做左人生最後悔既一件事
就系過左日去左佢屋企諗住面對面傾
點知我等左佢2個鐘佢都唔肯出黎見我
佢越唔見我就越想見
所以禁門鐘迫佢出黎
我都唔知自己點解會失去理性
煩到佢同佢屋企人 真系好對唔住🧎
️
最終等左4個幾鐘 佢先出黎見我
不過都仲好決絕
覺得成件事系我有份造成
講左好多好難聽但好岩既說話
例如 你搞清楚自己咩身分未？之類既說話
雖然好hurts 但系諗返起的確
我真系連怪佢煩佢既資格都無
我真係無資格去留佢
系我破壞左個遊戲規則
人地想完仲死纏爛打
雖然無資格怪人
但我始終覺得佢識女既timing 好錯🫠唉 以後我都唔敢再有呢d關係
好唔開心 點解件事會變成咁
沉船唔識玩真系好錯
加上有男朋友仲咁玩更錯
呢件事之後我都同男朋友坦白左
我都無資格再同男朋友一齊 對唔住
最後系度同呢件事受影響既所有人
講聲對唔住
我真系一個好差既人
另外想同個男仔講 對唔住
令件事搞到你身邊既人都知
影響左你聲譽同人格
希望你盡快唔受件事影響
表達能力有d差 1999 sorry