單次收費美容院觀塘-我中左兩次伏

[shadow]

HelloToby 既匿名評分，真係唔可以信，講左唔hard sell, 一樣sell到你爆，我見佢係單次收費先敢上去，點知個單次消費係有限制，要連埋產品同幾樣野一齊買，先做到比你，否則就咁買一次，個價錢貴左3倍。難怪佢D評分全部都匿名。根本唔可信。

咁觀塘唔係得一間單次收費美容院，之後去左另一間，做膠原槍。做左幾次都唔覺有效，得個痛字。又冇房，全部拉布好似醫院床位咁，咁佢咁平我緊係忍佢，但我第三次去完，個背脊痕，敏感紅到一達達。之後都冇再去。

想問觀塘有冇單次收費美容院，係有質素既？ 唔洗要最平，我拎願比多少少，服務好少少

[sero]

hello toby個評分，真係唔可以信，太多打手做假。
我之前去左佐敦一間評分好高既美容院，又話唔sell, 結果hard sell左我兩個鐘。
我明白冇可能完全唔sell, 但你講超過一個鐘，就一定係hard sell.

[Poly]

出名單次既JC Beauty, 事實都唔係單次啦。
手工仲勉強可以單次，做儀器唔應該搵單次做，觀塘最多大陸山寨機，特別係膠原槍，正版機叫TherMatrix, 翻版機叫TheMatrix, 少左個R字，完全冇效！
越平越要驚，做儀器真係要搵間可靠，信譽好既美容院做。