佐敦莊士倫敦廣場新開火鍋店-十二鍋

[Hazel_Leung]

終於放假可以出街食飯，疫情之下好耐都冇試過打邊爐。
有朋友話佐敦新開咗一間一人一鍋嘅餐廳就走去試下先，入面有十二款火鍋可以選擇。

我就嗌咗台式沙茶牛肉鍋($118)，入面有十幾款配料，包括牛肉片﹑米血糕﹑爆汁牛筋丸﹑福州魚丸﹑蟹籽丸﹑芝士腸﹑台灣麵線同一D蔬菜等等。
首先講下個湯底先，沙茶味道濃郁得嚟但唔會好鹹，配上牛肉係一個好夾嘅組合。
爆汁牛筋丸必食!如果可以額外再加就好喇。
如果覺得唔夠味嘅話仲可以點餐廳提供嘅醬料例如蒜﹑豉油或者沙茶醬等

朋友就嗌咗期間限定，係壽喜燒鍋嚟。有牛肉﹑生雞蛋﹑金針菇﹑娃娃菜、蜂巢豆腐、冬菇、貢丸等等好豐富，個湯甜甜地咁越煮越濃好正

另外火鍋仲包埋飯或者粉絲，如果想食好D仲可以加錢轉烏冬或者滷肉飯。

整體嚟講成餐飯我都覺得幾好，不過如果個火可以keep耐D就好喇。

[Kool]

呢間真心抵食，我幾個女朋友都讚好。