圖是2023年底香港人口年齡分佈
未來30年間的住宅潛在買家就是現在0-30歲這批人
總數177.7萬人.....
(有可能部份18-30歲的近幾年已經買左但無數據計，計埋呢個因素個人數再少d)

而以80歲為平均壽命計算，50歲以上人口於未來30年內離開世界
這裡有349萬人，當平均壽命去到85歲，由55歲開始計290.5萬

177.7萬未必全部要買樓，可能住父母果度，又或者買新樓住，父母果度無人住就賣，但都係無淨增既新需求。要增新需求，本來就多過2個子女，第3個先係新增住宅需求。這裡有幾多新需求?

業主同配偶過世，都唔一定賣樓，可以留俾子女，無子女就應該會賣，構成淨增既新2手供應，有1個仔女都係淨增供應，因為佢同另一個家庭仔女同住，計0.5。如果父母有單位，又買左單位俾個仔，父母過身，留俾個孫，咁係無增加需求。2手供應都會少於

所以點樣計，2手樓供應未來都會增加，需求來自那裡? 一定不是這177萬人，是香港以外地區來港的人，單程證人士。每年3-4萬，30年夠補這120萬空缺，但係.......

中國出生率都跌緊，內地都供應不少，香港問題似乎易解決，但中國既房地產問題應該同香港差不多，點解決?

有方法，唔結婚，每個單位一個人住，一間屋兩個人，177萬人，88.5萬個單位需求，變成177萬個單位需求，咩都解決哂，但可以嗎? 真係答唔到，唔結婚，唔生仔，人類滅絕... 住宅需求=0

上文一定充滿著不足之處，因為我無模型無數據，但大概方向都係咁，有數據砌個模型出黎就好易預測，買樓有N個理由，唔買都有N個，只係坊間只會俾你睇買樓N個理由，無人講另一個故事，有人話，我自住唔驚，留俾個仔，仔留俾個孫，呢個無錯既，但當人口越黎越少又會引發其他什麼社會或經濟上變化?

另外國安法以後，香港自由顯著收窄，已經再不是國家金融中心，而是丟入大灣區。當香港變得同大陸城市冇分別是，樓價也應該睇齊

2024年會繼續跌，有機會減慢跌勢，但要佢反彈是不可能，長遠也不值得投資。